Che mborayhumi

ikatúnte ag̃a pe arai ogueru
Chemborayhumi okañyva'ekue
Napenãi hese ha oraha yvytu
omosarambi oparupiete

tache'atõi'imínte ohasávove
purahéi asýicha toñeñanduka
togueru jevy jepe ipehẽngue
taroasojavõ cheñe'ã vy'a

chemborayhumi okañyva'ekue
ani reipyaha pende py'aro
eguerojerána ko che rekove
areteguivémango roha'ãro

che mborayhumi anĩ ndepochy
ejechakamína ha toroañua
ambyatýta ndéve pe rosa poty
oñondivemínte javy'a hag̃ua